ಬಂಟ್ವಾಳ ತಾಲೂಕಿನ ನೆರೆ ಪೀಡಿತ ಪ್ರದೇಶಗಳಿಗೆ ಎಸ್ಡಿಪಿಐ ರಾಜ್ಯಾಧ್ಯಕ್ಷ ಇಲ್ಯಾಸ್ ಮುಹಮ್ಮದ್ ತುಂಬೆ ನೇತೃತ್ವದ ನಿಯೋಗವು ರವಿವಾರ ಭೇಟಿ ನೀಡಿ, ಸಂತ್ರಸ್ತರೊಂದಿಗೆ ಸಮಾಲೋಚನೆ ಮಾಹಿತಿ ಪಡೆದುಕೊಂಡಿತು.
ನಿಯೋಗವು ಬಂಟ್ವಾಳ, ತಲಪಾಡಿ, ನಂದರಬೆಟ್ಟು ಮುಂತಾದ ಪ್ರದೇಶಗಳಿಗೆ ಭೇಟಿ ನೀಡಿತು. ಈ ಸಂದರ್ಭದಲ್ಲಿ ಎಸ್ಡಿಪಿಐ ರಾಜ್ಯ ಪ್ರಧಾನ ಕಾರ್ಯದರ್ಶಿ ರಿಯಾಝ್ ಫರಂಗಿಪೇಟೆ, ಜಿಲ್ಲಾ ಉಪಾಧ್ಯಕ್ಷ ಇಕ್ಬಾಲ್ ಐ.ಎಂ.ಆರ್, ಜಿಲ್ಲಾಪ್ರಧಾನ ಕಾರ್ಯದರ್ಶಿ ಸಾಹುಲ್ ಎಸ್.ಎಚ್., ಬಂಟ್ವಾಳ ಪುರಸಭಾ ಸದಸ್ಯ ಮೂನೀಶ್ ಅಲಿ, ತಲಪಾಡಿ ಘಟಕಾಧ್ಯಕ್ಷ ಸಾಹುಲ್ ತಲಪಾಡಿ, ಪ್ರಮುಖರಾದ ಲತೀಫ್ ತಲಪಾಡಿ, ರಿಝ್ವಾನ್ ತಲಪಾಡಿ, ಶಬೀರ್ ತಲಪಾಡಿ ಹಾಜರಿದ್ದರು.