ಸುದ್ದಿ, ಲೇಖನಗಳಿಗೆ www.bantwalnews.com – ಸಂಪಾದಕ: ಹರೀಶ ಮಾಂಬಾಡಿ
ಬಿ.ಸಿ.ರೋಡ್ ನಲ್ಲಿ ಸುಸಜ್ಜಿತ ಕೆಎಸ್ಸಾರ್ಟಿಸಿ ಬಸ್ ನಿರ್ಮಿಸಿದ ಸಂದರ್ಭ ರಸ್ತೆಯಿಂದ ನಿಲ್ದಾಣಕ್ಕೆ ಬಸ್ ಹೇಗೆ ಹೋಗುವುದು ಎಂದು ಕೇಳಿದರೆ, ಅದನ್ನು ಆಮೇಲೆ ನೋಡೊಣ ಎಂದೇ ಸಾರ್ವಜನಿಕರಿಗೆ ಉತ್ತರ ನೀಡುತ್ತಿದ್ದ ಆಡಳಿತ ಮತ್ತು ರಾಜಕಾರಣಿಗಳು ಇದೀಗ ಅಲ್ಲಿಗೆ ಬಸ್ ಮತ್ತು ಪ್ರಯಾಣಿಕರು ಬರುವಂತೆ ಮಾಡುವುದು ಹೇಗೆ ಎಂಬ ಚಿಂತೆಯನ್ನು ಅಧಿಕಾರಿಗಳಿಗೆ ವರ್ಗಾಯಿಸಿದ್ದು ಕಳೆದ ವಾರದ ವಿಚಾರ.
ಈ ಬಗ್ಗೆ ಸಾರ್ವಜನಿಕರ ಪ್ರತಿಕ್ರಿಯೆಗಳು ಖಾರವಾಗತೊಡಗಿದಾಗ ಈ ಕುರಿತು ಅಭಿಪ್ರಾಯಗಳನ್ನು ಆಲಿಸಿದ ಪೊಲೀಸ್ ಇಲಾಖೆ, ತಾತ್ಕಾಲಿಕವಾಗಿ ಮೊದಲಿನಂತೆ ಬಸ್ಸುಗಳನ್ನು ಸರ್ವೀಸ್ ರಸ್ತೆಯಲ್ಲೇ ಕಳುಹಿಸುತ್ತಿದ್ದು, ಮುಂದಿನ ಬದಲಾವಣೆಗೆ ಕಾಯುತ್ತಿದೆ.
ಗಾಯದ ಮೇಲೆ ಬರೆ ಎಳೆದಂತೆ ಸರ್ವೀಸ್ ರಸ್ತೆಯಲ್ಲಿ ಬಿರುಬೇಸಗೆಯಲ್ಲೂ ಸೋಮವಾರ ಕೆಸರುನೀರು ಕಾಣಿಸಿಕೊಂಡಿತು. ಪೈಪ್ ಸಮಸ್ಯೆಯಿಂದಾಗಿ ನೀರು ರಸ್ತೆಯಲ್ಲೇ ಹರಿಯತೊಡಗಿತು.