ಕೆ.ಪದ್ಮನಾಭ ಬನ್ನಿಂತಾಯ ಇನ್ನಿಲ್ಲ

ಬಂಟ್ವಾಳ: ಹಿರಿಯ ದಸ್ತಾವೇಜು ಬರಹಗಾರ, ಧಾರ್ಮಿಕ ಸಾಮಾಜಿಕ ಮುಂದಾಳು ಕೆ.ಪದ್ಮನಾಭ ಬನ್ನಿಂತಾಯ (73) ಹೃದಯಾಘಾತದಿಂದ ಫೆ.24ರಂದು ಬೆಳಗ್ಗೆ 7.30ಕ್ಕೆ ನಿಧನಹೊಂದಿದ್ದಾರೆ.

ಅವರು ಪುತ್ರ ನ್ಯಾಯವಾದಿ ರಾಘವೇಂದ್ರ ಬನ್ನಿಂತಾಯ, ಪುತ್ರಿ ಹಾಗೂ ಅಪಾರ ಬಂಧು ಬಾಂಧವರು, ಅಭಿಮಾನಿಗಳನ್ನು ಅಗಲಿದ್ದಾರೆ. ಬೆಳಗ್ಗೆ ಸ್ನಾನಕ್ಕೆ ತೆರಳಿದ್ದಾಗ ಹೃದಯಾಘಾತವಾಗಿ ಅಸು ನೀಗಿದರು ಎಂದು ಕುಟುಂಬ ಮೂಲಗಳು ತಿಳಿಸಿವೆ.

ಬಂಟ್ವಾಳ ತಾಲೂಕಿನ ಅನಂತಾಡಿ ಕೊಬ್ರಿಮಠ ನಿವಾಸಿ ದಿ. ಗೋಪಾಲ ಕ್ರಷ್ಣ ಬನ್ನಿಂತಾಯ ಅವರ ಪುತ್ರ ಕೆ.ಪದ್ಮನಾಭ ಬನ್ನಿಂತಾಯ ಅವರು ಬಿಸಿರೋಡಿನ ವಕೀಲರಾದ ಕೆ.ಕೇಶವ ಭಟ್ ಅವರ ಜೊತೆ ಗುಮಾಸ್ತ ರಾಗಿ ಕೆಲಸ ಮಾಡಿದ ಬಳಿಕ ಎನ್.ಕೆ‌.ಕಾಂಪ್ಲೆಕ್ಸ್ ನಲ್ಲಿ ಸ್ವಂತ ದಸ್ತಾವೇಜು ಬರಹಗಾರರಾಗಿ ಸುಮಾರು 35 ವರ್ಷಗಳಿಂದ ಸೇವೆ ಸಲ್ಲಿಸುತ್ತಿದ್ದರು. ಸಾಮಾಜಿಕ ವಾಗಿಯೂ ಗುರುತಿಸಿ ಕೊಂಡ ಇವರು ನೇತ್ರಾವತಿ ಜ್ಯೂನಿಯರ್ ಜೇಸಿಯ ಸ್ಥಾಪಕ ಸದಸ್ಯ ಹಾಗೂ ಶ್ರೀ ಚಂಡಿಕಾಪರಮೇಶ್ವರೀ ದೇವಿ ದೇವಸ್ಥಾನ ದ ಕೋಶಾಧಿಕಾರಿ ಯಾಗಿಯೂ ಸೇವೆ ಸಲ್ಲಿಸಿದ್ದಾರೆ.

ಸುದ್ದಿ, ಲೇಖನಗಳಿಗೆ www.bantwalnews.com – ಸಂಪಾದಕ: ಹರೀಶ ಮಾಂಬಾಡಿ