ಕಲ್ಲಡ್ಕ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ನೇತಾಜಿ ಯುವಕ ಮಂಡಲ ವತಿಯಿಂದ ಭಾನುವಾರ ರಾತ್ರಿ ಅಟಲ್ ಬಿಹಾರಿ ವಾಜಪೇಯಿ ಸ್ಮರಣಾರ್ಥ ಆಯೋಜಿಸಲಾದ ಜಿಲ್ಲಾ ಮಟ್ಟದ ಮ್ಯಾಟ್ ಕಬಡ್ಡಿ ಪಂದ್ಯಾಟದಲ್ಲಿ ಸೆವೆನ್ ಸ್ಟಾರ್ ಕಲ್ಪನೆ ತಂಡ ಪ್ರಥಮ ಬಹುಮಾನ ಗಳಿಸಿದೆ.
ವಿವೇಕಾನಂದ ವಿದ್ಯಾವರ್ಧಕ ಸಂಘದ ಅಧ್ಯಕ್ಷ ಡಾ. ಕಲ್ಲಡ್ಕ ಪ್ರಭಾಕರ ಭಟ್ ಜ್ಯೋತಿ ಬೆಳಗಿಸುವುದರ ಮೂಲಕ ಪಂದ್ಯಾಟಕ್ಕೆ ಚಾಲನೆ ನೀಡಿದರು. ಈ ಸಂದರ್ಭ ಮಾಜಿ ಶಾಸಕ ಎ.ರುಕ್ಮಯ ಪೂಜಾರಿ, ಹಜಾಜ್ ಗ್ರೂಪ್ ಪಾಲುದಾರ ಯೂಸುಫ್ ಹಾಜಿ ಗೋಳ್ತಮಜಲು, ಉದ್ಯಮಿ ಜಯಪ್ರಕಾಶ ತುಂಬೆ, ಹಿಂಜಾವೇ ಪ್ರಮುಖ ರಾಧಾಕೃಷ್ಣ ಅಡ್ಯಂತಾಯ, ಪ್ರಮುಖರಾದ ದಿನೇಶ್ ಶೆಣೈ ಕಲ್ಲಡ್ಕ, ನರಸಿಂಹ ಮಡಿವಾಳ ಕಲ್ಲಡ್ಕ, ನೇತಾಜಿ ಯುವಕ ಮಂಡಲ ಅಧ್ಯಕ್ಷ ಧನುಷ್ ಉಪಸ್ಥಿತರಿದ್ದರು. ನೇತಾಜಿ ಯುವಕ ಮಂಡಲ ಗೌರವಾಧ್ಯಕ್ಷ ನಾಗೇಶ್ ಸ್ವಾಗತಿಸಿದರು. ಗೋಪಾಲ ಬಲ್ಯಾಯ ಕಾರ್ಯಕ್ರಮ ನಿರೂಪಿಸಿದರು.ಸಂಪತ್ ಕೋಟ್ಯಾನ್ ಕಡೇಶಿವಾಲಯ ವಂದನಾರ್ಪಣೆ ನಡೆಸಿದರು.
ಬಳಿಕ ನಡೆದ ಮ್ಯಾಟ್ ಕಬಡ್ಡಿ ಪಂದ್ಯಾಟದಲ್ಲಿ ಸೆವೆನ್ ಸ್ಟಾರ್ ಕಲ್ಪನೆ ಮೊದಲ ಬಹುಮಾನ, ಎಲ್.ವಿ.ಎಸ್.ಎಸ್. ಜಾರಂದಗುಡ್ಡೆ ದ್ವಿತೀಯ ಬಹುಮಾನ ಮತ್ತು ಟಿಕ್ಕಾ ಪಾಯಿಂಟ್ ಕಲ್ಲಡ್ಕ ತಂಡ ತೃತೀಯ ಬಹುಮಾನ ಪಡೆದವು. ಫ್ರೆಂಡ್ಸ್ ಸುದೆಕಾರ್ ತಂಡ ನಾಲ್ಕನೇ ಸ್ಥಾನಿಯಾಯಿತು.
ಬೆಸ್ಟ್ ರೈಡರ್ ಆಗಿ ಎಲ್.ವಿ.ಎಸ್.ಎಸ್.ನ ರಂಜಿತ್, ಬೆಸ್ಟ್ ಕ್ಯಾಚರ್ ಆಗಿ ಸೆವೆನ್ ಸ್ಟಾರ್ ನ ನವಾಜ್, ಬೆಸ್ಟ್ ಆಲ್್ರೌಂಡರ್ ಆಗಿ ರಾಸಿದ್ (ಸೆವೆನ್ ಸ್ಟಾರ್), ಬೆಸ್ಟ್ ಮೂವ್ ವೆಂಟ್ ಆಫ್ ಪ್ಲೇಯರ್ ಆಗಿ ಎಲ್.ವಿ.ಎಸ್.ಎಸ್.ನ ಪೂರ್ಣೇಶ್ ಬಹುಮಾನ ಪಡೆದರು.
ಶಿಸ್ತುಬದ್ಧ ತಂಡವಾಗಿ ಮಾರುತಿ ಫ್ರೆಂಡ್ಸ್ ಕೋಡಪದವು ತಂಡ ಬಹುಮಾನ ಗಳಿಸಿತು.
ಶ್ರೀರಾಮ ಭಜನಾ ಮಂದಿರದ ಅಧ್ಯಕ್ಷ ಚೆನ್ನಪ್ಪ ಕೋಟ್ಯಾನ್ ಬಹುಮಾನ ವಿತರಣಾ ಸಮಾರಂಭದ ಅಧ್ಯಕ್ಷತೆ ವಹಿಸಿದ್ದರು. ಈ ಸಂದರ್ಭ ಬಿಜೆಪಿ ಎಸ್.ಸಿ. ಮೋರ್ಚಾ ಜಿಲ್ಲಾಧ್ಯಕ್ಷ ದಿನೇಶ್ ಅಮ್ಟೂರು, ನೇತಾಜಿ ಯುವಕ ಮಂಡಲದ ಕ್ರೀಡಾ ಕಾರ್ಯದರ್ಶಿ ಹರೀಶ್ ಸುವರ್ಣ, ಪ್ರಧಾನ ಕಾರ್ಯದರ್ಶಿ ಅಜಿತ್ ಕುಮಾರ್, ಅಧ್ಯಕ್ಷ ಧನುಷ್ ಮತ್ತಿತರರು ಉಪಸ್ಥಿತರಿದ್ದರು.