www.bantwalnews.com – ಸಂಪಾದಕ: ಹರೀಶ ಮಾಂಬಾಡಿ
ಬೆಳಗ್ಗೆ 8 ಗಂಟೆಗೆ ಆರಂಭಗೊಂಡ ಬಂಟ್ವಾಳ ಪುರಸಭೆಯ ಫಲಿತಾಂಶದ ವಿವರಗಳನ್ನು ಬಂಟ್ವಾಳ ನ್ಯೂಸ್ ನಿಖರ ಲೆಕ್ಕಾಚಾರ, ವಿಶ್ಲೇಷಣೆಗಳೊಂದಿಗೆ ನಿಮ್ಮ ಮುಂದಿಟ್ಟಿದೆ. ಇದಕ್ಕೆ ಓದುಗರ ಸ್ಪಂದನೆಯೂ ಅಭೂತಪೂರ್ವ. ಸಂಜೆ 5 ಗಂಟೆಯ ವೇಳೆಗೆ 10,000ಕ್ಕೂ ಅಧಿಕ ಓದುಗರು www.bantwalnews.com ಕ್ಲಿಕ್ ಮಾಡಿದ್ದಾರೆ. ಬಂಟ್ವಾಳನ್ಯೂಸ್ ನ ಫೇಸ್ ಬುಕ್, ಟ್ವಿಟ್ಟರ್ ಮತ್ತು ಸಾಮಾಜಿಕ ಜಾಲತಾಣಗಳ ಲಿಂಕ್ ಗಳ ಮೂಲಕ ಈವರೆಗಿನ ಸುದ್ದಿಗಳು, ಸುದ್ದಿವಿಶ್ಲೇಷಣೆಗಳನ್ನು ಗಮನಿಸಿದ್ದಾರೆ. ಸಾಮಾನ್ಯವಾಗಿ ಬಂಟ್ವಾಳಕ್ಕೆ ಸಂಬಂಧಿಸಿದ ಓದುಗರು ಯಾವ ಸುದ್ದಿಗಳನ್ನು ಓದಿದರೂ ಖಚಿತತೆಗಾಗಿ ಬಂಟ್ವಾಳನ್ಯೂಸ್ ಕ್ಲಿಕ್ ಮಾಡುವುದು ವೆಬ್ ಪತ್ರಿಕೆಗೆ ಸಂದ ಗೌರವ.
ಬಂಟ್ವಾಳ ತಾಲೂಕಿನ ದೈನಂದಿನ ಸುದ್ದಿ ನೀಡುವ ಮೊತ್ತಮೊದಲ ಜಾಲತಾಣವಾಗಿ ನಮ್ಮೂರ ವಿಚಾರಗಳನ್ನು ಜಗತ್ತಿಗೆ ತಿಳಿಸುವ ಕಾರ್ಯವನ್ನು www.bantwalnews.com ಮೂಲಕ 2016, ನವೆಂಬರ್ 10ರಂದು ಆರಂಭಿಸಲಾಗಿತ್ತು. ನಾಡಿದ್ದು ನವೆಂಬರ್ ತಲುಪಿದರೆ ವೆಬ್ ಗೆ 2 ವರ್ಷ. ಇದಕ್ಕೆ ನಿಮ್ಮ ಸಹಕಾರವೇ ಕಾರಣ.
ಸಾಮಾನ್ಯವಾಗಿ ವೆಬ್ ಪತ್ರಿಕೆಗಳು ಘಟನೆ ನಡೆದ ತಕ್ಷಣ ಬ್ರೇಕಿಂಗ್ ನ್ಯೂಸ್ ಬಿತ್ತರಿಸುತ್ತವೆ. ಇದು ಅಪರಿಪೂರ್ಣವಾಗಿರುತ್ತದೆ ಎಂಬ ಧ್ವನಿಗಳನ್ನು ನಾವು ಗೌರವಿಸುತ್ತೇವೆ. ಹೀಗಾಗಿ ಬಂಟ್ವಾಳನ್ಯೂಸ್ ಬ್ರೇಕಿಂಗ್ ನ್ಯೂಸ್ ಗಾಗಿ ಆತುರಪಟ್ಟು ಸುದ್ದಿಯನ್ನು ಒದಗಿಸುವುದಿಲ್ಲ. ಸುದ್ದಿಯ ಖಚಿತತೆ ಲಭ್ಯವಾದ ಬಳಿಕವಷ್ಟೇ ಪ್ರಕಟಿಸಲಾಗುತ್ತದೆ. ಚುನಾವಣೆ ಫಲಿತಾಂಶದ 10 ಸುದ್ದಿಗಳೂ ಅಧಿಕೃತ ಮಾಹಿತಿ ಪಡೆದ ಬಳಿಕವಷ್ಟೇ ಪ್ರಕಟಗೊಂಡಿವೆ. ಯಾವುದೇ ಆತುರ, ಸ್ಪರ್ಧೆಯೂ ನಮಗಿಲ್ಲ.
ಜಗತ್ತಿನೆಲ್ಲೆಡೆ ಇರುವ ಬಂಟ್ವಾಳ ತಾಲೂಕಿನ ಬಾಂಧವರು ಒಂದೇ ಕ್ಲಿಕ್ ಮೂಲಕ ನಮ್ಮಲ್ಲೇನಾಗುತ್ತಿದೆ ಎಂದು ಅರಿತುಕೊಳ್ಳಲು ಸಹಾಯ ಮಾಡುವುದು, ಯಾವುದೇ ಪೂರ್ವಾಗ್ರಹವಿಲ್ಲದ ಮಾಹಿತಿ ಕೊಡುವುದು ಈ ವೆಬ್ ಪತ್ರಿಕೆಯ ಉದ್ದೇಶ. ಹೀಗಾಗಿ ಇದುವರೆಗೆ 8 ಲಕ್ಷಕ್ಕೂ ಮಂದಿ ವೆಬ್ ಸುದ್ದಿಗಳನ್ನು ಓದಿದ್ದಾರೆ, 1.5 ಲಕ್ಷ ನಮ್ಮ ಯೂಟ್ಯೂಬ್ ಮಾಹಿತಿ ವೀಕ್ಷಿಸಿದ್ದಾರೆ. ಪುಟ್ಟ ಹೆಜ್ಜೆಗಳನ್ನು ಇಡುತ್ತಾ ನಾವೂ ಮುಂದೆ ಸಾಗುತ್ತೇವೆ. ಯಾವುದೇ ಸದ್ದು ಗದ್ದಲಗಳಿಲ್ಲದೆ, ಓದುಗರ ನಡುವೆ.
ಚುನಾವಣೆಗೆ ಸಂಬಂಧಿಸಿದ ಸುದ್ದಿಗಳ ಲಿಂಕ್ ಗಳು ಇಲ್ಲಿವೆ.