ವಿಟ್ಲದಲ್ಲಿ ಲಾರಿ ಡಿಕ್ಕಿ, ನಿವೃತ್ತ ಯೋಧ ಮೃತ್ಯು

ವಿಟ್ಲ ಕಾಶೀಮಠ ಎಂಬಲ್ಲಿ ಲಾರಿ  ಡಿಕ್ಕಿ ಹೊಡೆದ ಪರಿಣಾಮ ಬೈಕ್ ಸವಾರ ಕನ್ಯಾನ ನಿವಾಸಿ ನಿವೃತ್ತ ಯೋಧ ಕನ್ಯಾನ ಪೊಯ್ಯಗದ್ದೆ ನಿವಾಸಿ ವೆಂಕಪ್ಪ ಮೂಲ್ಯ ಮೃತಪಟ್ಟಿದ್ದಾರೆ.

ಅವರು ಬೆಳಗ್ಗೆ ಸುಮಾರು 10ರ ವೇಳೆ ಉಕ್ಕುಡ ಕಡೆಯಿಂದ ವಿಟ್ಲ ಕಡೆಗೆ ಬೈಕಿನಲ್ಲಿ ತೆರಳುತ್ತಿದ್ದಾಗ ಘಟನೆ ನಡೆದಿದ್ದು, ಶರೀರದ ಮೇಲೆ ಲಾರಿ ಹಾದು ಹೋಗಿದೆ.

ಬುಧವಾರ ಬೆಳಗ್ಗೆ ಸಂಭವಿಸಿದ ಅಪಘಾತ ಹಿನ್ನೆಲೆಯಲ್ಲಿ ಸ್ಥಳದಲ್ಲಿ ಸಂಚಾರ ಅಸ್ತವಸ್ತಗೊಂಡಿತು. ಸ್ಥಳಕ್ಕೆ ಸಮಯಕ್ಕೆ ಸರಿಯಾಗಿ ಪೊಲೀಸರು ಬಾರದ ಕಾರಣ, ಪರಿಸ್ಥಿತಿಯನ್ನು ಹತೋಟಿಗೆ ತರಲು ಜನರು ಹರಸಾಹಸಪಟ್ಟರು. ವೆಂಕಪ್ಪ ಮೂಲ್ಯ ಅವರು ನಿವೃತ್ತ ಯೋಧ.ನಾಲ್ಕು ವರ್ಷಗಳ ಹಿಂದೆ ಸೇವಾ ನಿವೃತ್ತಿ ಹೊಂದಿದ್ದರು. ಇನ್ ಫೋಸಿಸ್ ನಲ್ಲಿ ಸೆಕ್ಯೂರಿಟಿ ವಿಭಾಗದಲ್ಲಿ ಉದ್ಯೋಗ ನಿರ್ವಹಿಸುತ್ತಿದ್ದ ವೆಂಕಪ್ಪ ಅವರ ಪತ್ನಿ ಬಾಯಾರು ಶಾಲೆಯಲ್ಲಿ ಟೀಚರ್ ಆಗಿದ್ದಾರೆ.

ಅಪಘಾತ ನಡೆದ ತಕ್ಷಣ ಅವರನ್ನು ಕೂಡಲೇ ಫ್ರೆಂಡ್ಸ್ ವಿಟ್ಲ ಸಹಾಯದಿಂದ ಆಂಬುಲೆನ್ಸ್ ನಲ್ಲಿ ಮಂಗಳೂರಿನ ಆಸ್ಪತ್ರೆಗೆ ಕೊಂಡೊಯ್ಯಲಾಯಿತು. ಅಲ್ಲಿ ಮೃತಪಟ್ಟಿರುವುದಾಗಿ ಘೋಷಿಸಲಾಯಿತು.