www.bantwalnews.com
ಜಾಗ್ರತೆ..ಇದು ರಾಷ್ಟ್ರೀಯ ಹೆದ್ದಾರಿ 75ರ ತುಂಬೆ. ಓಡಾಡುವಾಗಲೆಲ್ಲ ಎಚ್ಚರಿಸುವುದು ಸಾಮಾನ್ಯ. ಆದರೆ ತುಂಬೆಯಲ್ಲಿ ಶಾಲಾ ಮಕ್ಕಳು ಓಡಾಡುವ ಜಾಗವೇ ಅಪಾಯದಿಂದ ಕೂಡಿದೆ.
ಚಿತ್ರಗಳನ್ನು ನೋಡಿದರೆ ಯಾವುದು ಎಷ್ಟು ಅಪಾಯಕಾರಿ ಎಂಬುದು ಗೊತ್ತಾಗುತ್ತದೆ.
ಏನೆಲ್ಲ ಅಪಾಯ? ಇಲ್ಲಿ ನೋಡಿ.
- ಶಾಲಾ ಮಕ್ಕಳ ಸುರಕ್ಷತೆಗಾಗಿ ನಿರ್ಮಿಸಲ್ಪಟ್ಟ ಓವರ್ ಬ್ರಿಡ್ಜ್ ತುಕ್ಕು ಹಿಡಿಯುತ್ತಿದೆ.
- ಓವರ್ ಬ್ರಿಡ್ಜ್ ಕಳೆಗಿಡ-ಪೊದೆಗಳಿಂದ ಆವೃತವಾಗಿದ್ದು ಸರಿಯಾದ ದಾರಿಯೇ ಕಾಣುತ್ತಾ ಇಲ್ಲ.
- ಡಾಂಬಾರು ಕಿತ್ತು ಬಂದಿರುವ ರಸ್ತೆ. ರಸ್ತೆಯ ಪಕ್ಕದಲ್ಲಿಯೆ ಸುಮಾರು 100 ಮೀಟರ್ ಉದ್ದಕ್ಕೂ ಅರೆಬರೆ ಕಾಮಗಾರಿಯಿಂದಾಗಿ ತೆರೆದಿರುವ ಚರಂಡಿ ಕಾಣಿಸುತ್ತಿದೆ.
- ಅಪಾಯಕಾರಿಯಾದ ಉದ್ದುದ್ದ ಸರಳುಗಳು ಅಲ್ಲಿವೆ. ರಸ್ತೆಯೂ ಬಿರುಕುಬಿಟ್ಟಿದೆ.
ಇದು ಗಂಭೀರವಾದ ಸಮಸ್ಯೆ ಎನ್ನುವ ಅರಿವು ನಮಗಿದೆ. ಹಾಗಾಗಿ ಸಮಸ್ಯೆಯನ್ನು ಪರಿಹರಿಸುವ ಬಗ್ಗೆ ನಾವು ಈಗಾಗಲೇ ಕ್ರಮ ಕೈಗೊಂಡಿದ್ದೇವೆ. ಓವರ್ ಬ್ರಿಡ್ಜ್‌ನ ನಿರ್ವಹಣೆಗಾಗಿ ಪ್ರೊಪೋಸಲ್ ಕಳುಹಿಸಿದ್ದು ಅದು ಆದಷ್ಟು ಬೇಗ ಕಾರ್ಯರೂಪಕ್ಕೆ ಬರುತ್ತದೆ. ಆ ನಂತರ ಓವರ್ ಬ್ರಿಡ್ಜ್‌ನ ಸ್ಥಿತಿ ಸಂಪೂರ್ಣ ಸುಧಾರಣೆಯಾಗುತ್ತದೆ. ಅದೇ ರೀತಿ ಚರಂಡಿ ಕಾಮಗಾರಿಗೂ ಟೆಂಡರ್ ಕರೆದಿದ್ದೇವೆ. ಆದಷ್ಟು ಬೇಗ ಅಪೂರ್ಣವಾಗಿರುವ ಕಾಮಗಾರಿಯನ್ನು ಪೂರ್ಣಗೊಳಿಸಿ ಹೆದ್ದಾರಿಯ ತೊಂದರೆಯನ್ನು ದೂರ ಮಾಡುವ ನಿಟ್ಟಿನಲ್ಲಿ ಪ್ರಯತ್ನಿಸುತ್ತಿದ್ದೇವೆ. ಜನರ ಸಮಸ್ಯೆಗೆ ನಾವು ಸದಾ ಸ್ಪಂದಿಸುತ್ತೇವೆ ಎನ್ನುತ್ತಾರೆ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ ಇಂಜಿನಿಯರ್.
Harish Mambady2016ರಲ್ಲಿ ಆರಂಭಿಸಿದ ಬಂಟ್ವಾಳ ತಾಲೂಕಿನ ಮೊದಲ ವೆಬ್ ಪತ್ರಿಕೆ. ಲಕ್ಷಾಂತರ ಮಂದಿ ಓದಿದ್ದಾರೆ, ಓದುತ್ತಿದ್ದಾರೆ. ಸುದ್ದಿಗಳು, ವಿಶ್ಲೇಷಣೆಗೆ ಆದ್ಯತೆ. ಒಂಭತ್ತನೇ ವರ್ಷಕ್ಕೆ ಕಾಲಿಟ್ಟಿರುವ www.bantwalnews.comಗೆ ಆರ್ಥಿಕ ಸಹಕಾರವೂ ಬೇಕು. ಪ್ರಾಯೋಜಕತ್ವ ಅಥವಾ ಜಾಹೀರಾತು ನೀಡುವುದಿದ್ದರೆ 9448548127 ಸಂಪರ್ಕಿಸಬಹುದು. ಅಕೌಂಟ್ ನಂಬ್ರ ಹೀಗಿದೆ. For Online Transaction: Account Name: Harish M G, Bank: Karnataka bank Account No: 0712500100982501 IFSC Code: KARB0000071 ಗೂಗಲ್ ಪೇ ಮಾಡುವುದಿದ್ದರೆ, Gpay: 9448548127 - ಹರೀಶ ಮಾಂಬಾಡಿ, ಸಂಪಾದಕ