ಕರೋಪಾಡಿ ಗ್ರಾಮದಲ್ಲಿ ಪುಟ್ಟ ಮಗುವನ್ನು ಹತ್ತಿರದ ಸಂಬಂಧಿಯೊಬ್ಬ ಆಟವಾಡಲು ಕರೆದುಕೊಂಡು ಹೋಗಿ ಲೈಂಗಿಕ ದೌರ್ಜನ್ಯ ನಡೆಸಿದ ಆರೋಪ ಕುರಿತು ವಿಟ್ಲ ಠಾಣೆಯಲ್ಲಿ ಶನಿವಾರ ಪ್ರಕರಣ ದಾಖಲಾಗಿದೆ.
ಕರೋಪಾಡಿ ಗ್ರಾಮದ 3 ವರ್ಷ 6 ತಿಂಗಳ ಹೆಣ್ಣುಮಗುವನ್ನು 17 ವರ್ಷ ಬಾಲಕ ಆಡವಾಡಲು ಕರೆದುಕೊಂಡು ಹೋಗುತ್ತಿದ್ದ. ಜುಲೈ 22ರಂದು ನಿರ್ಮಾಣ ಹಂತದಲ್ಲಿರುವ ಕಟ್ಟಡಕ್ಕೆ ಕರೆದುಕೊಂಡು ಹೋಗಿ ದೌರ್ಜನ್ಯ ಎಸಗಿದ ಆರೋಪ ಕುರಿತು ಮಕ್ಕಳ ಸಹಾಯವಾಣಿ ಮೂಲಕ ದೂರು ದಾಖಲಾಗಿ, ಬಳಿಕ ವಿಟ್ಲ ಠಾಣೆಯಲ್ಲಿ ಪೋಕ್ಸೋ ಪ್ರಕರಣ ದಾಖಲಾಗಿದೆ.