ಶೂಟಿಂಗ್ ಗೆ ಹೋದಾಗಲೇ ಗೊತ್ತಾಯ್ತು ಇದು ಬೋಳು ತಲೆಯ ಕತೆ!!

ಒಂದು ಮೊಟ್ಟೆಯ ಕಥೆಯ ಇ ಮೇಡಂ ಅಮೃತಾ ನಾಯಕ್ ಹೇಳೋದು ಹೀಗೆ

ಅನಿತಾ ಬನಾರಿ

ಅಮೃತಾ ನಾಯಕ್

ಮುದ್ದು ಮುಖದ ಈ ಕರಾವಳಿಯ ಚೆಲುವೆಯ ಹೆಸರು ಅಮೃತಾ ನಾಯಕ್. ಜನರ ಮನ ಸೆಳೆದಿರುವ ಒಂದು ಮೊಟ್ಟೆಯ ಕಥೆ ಚಿತ್ರದಲ್ಲಿ ಎಕನಾಮಿಕ್ಸ್ ಲೆಕ್ಚರರ್ ಪಾತ್ರದಲ್ಲಿ ನಟಿಸಿ ಸೈ ಎನಿಸಿಕೊಂಡವರು ಅಮೃತಾ..

ಜಾಹೀರಾತು

ಒಂದು ಮೊಟ್ಟೆಯ ಕಥೆಯಲ್ಲಿ ಇ- ಮೇಡಂ ಎಂದೇ ಕರೆಸಿಕೊಳ್ಳುವ ಅಮೃತಾ ಮೊದಲ ಚಿತ್ರದಲ್ಲಿಯೇ ನನಗೆ ಒಂದು ಒಳ್ಳೆಯ ಉತ್ತಮ ತಂಡ ಸಿಕ್ಕಿದೆ. ಆದುದರಿಂದ ಯಾವುದೇ ಭಯವಿಲ್ಲದೇ ನಟಿಸಲು ಸಾಧ್ಯವಾಯಿತು’’ ಎನ್ನುತ್ತಾರೆ. ಅಮೃತಾಗೆ ಇದು ಬೋಳು ತಲೆಯ ಕಥೆ ಎಂದು ಗೊತ್ತಾದದ್ದು ಶೂಟಿಂಗ್ ಗೆ ಹೋದಾಗಲೇ ಅಂತೆ.

ಬಾಲ್ಯದಿಂದಲೂ ನಟನೆಯತ್ತ ವಿಶೇಷ ಒಲವು . ಯಶೋಧೆ ಧಾರಾವಾಹಿಯಲ್ಲಿ ಮೊದಲ ಬಾರಿ ಬಣ್ಣ ಹಚ್ಚಿದ್ದರು. ಆದರೂ ಸಿನಿಮಾದಲ್ಲಿ ನಟಿಸಬೇಕೆಂಬುದೇ ಅವರ ಬಾಲ್ಯದ ಕನಸು. ತನ್ನ ಕನಸು ಇಷ್ಟು ಬೇಗ ನನಸಾಗುತ್ತದೆ ಎಂದು ಅಂದುಕೊಂಡಿರಲಿಲ್ಲ ಎನ್ನುವ ಅಮೃತಾ ಸ್ನೇಹಿತರ ಒತ್ತಾಯದ ಮೇರೆಗೆ ಸಿನಿಮಾದ ಆಡಿಶನ್ ನಲ್ಲಿ ಭಾಗವಹಿಸಿದ್ದರು. ಅದೃಷ್ಟ ಎಂಬಂತೆ ಸೆಲೆಕ್ಟ್ ಆದರು. ನೀವು ಎಕನಾಮಿಕ್ಸ್ ಲೆಕ್ಚರರ್ ಪಾತ್ರದಲ್ಲಿ ನಟಿಸಬೇಕು ಎಂದಾಗ ಅಮೃತಾರಿಗೆ ಒಂದು ಕ್ಷಣ ಭಯವಾಗಿತ್ತು. ತಾನು ಈ ಪಾತ್ರವನ್ನು ನಿರ್ವಹಿಸಬಲ್ಲೆನಾ ಎಂಬ ಆತಂಕ ಅಮೃತಾರಿಗಿತ್ತು. ಆದರೆ ಆಮೇಲೆ ಎಲ್ಲಾ ಸರಿ ಆಯಿತು ಎಂದು ನಗುತ್ತಾ ಹೇಳುತ್ತಾರೆ ಕುಡ್ಲದ ಕುವರಿ.

ಇದೀಗ ಒಂದೆರಡು ಸಿನಿಮಾ ಅವಕಾಶಗಳು ಅಮೃತಾರನ್ನು ಅರಸಿ ಬಂದಿದ್ದು ಮುಂದೆ ತನ್ನಿಚ್ಛೆಯ ನಟನಾ ಕ್ಷೇತ್ರದಲ್ಲಿ ಮುಂದುವರಿಯುವ ಬಯಕೆ. ಅಮೃತಾ ಬಣ್ಣದ ಲೋಕದ ಜರ್ನಿಗೆ ಆಲ್ ದಿ ಬೆಸ್ಟ್.

ಜಾಹೀರಾತು

Harish Mambady

ಸುಮಾರು 27 ವರ್ಷಗಳ ಕಾಲ ಮುದ್ರಣ ಮಾಧ್ಯಮ ಹಾಗೂ ಡಿಜಿಟಲ್ ಮಾಧ್ಯಮದಲ್ಲಿ ಅನುಭವವಿರುವ ಪತ್ರಕರ್ತ ಹರೀಶ ಮಾಂಬಾಡಿ 2016ರಲ್ಲಿ ಆರಂಭಿಸಿದ ಬಂಟ್ವಾಳ ತಾಲೂಕಿನ ಕುರಿತು ದೈನಂದಿನ ಸುದ್ದಿ ನೀಡುವ ಮೊದಲ ವೆಬ್ ಪತ್ರಿಕೆ ಇದು. ಲಕ್ಷಾಂತರ ಮಂದಿ ಓದಿದ್ದಾರೆ, ಓದುತ್ತಿದ್ದಾರೆ. ಸುದ್ದಿಗಳು, ವಿಶ್ಲೇಷಣೆಗೆ ಆದ್ಯತೆ. ಪ್ರಸ್ತುತ 10ನೇ ವರ್ಷಕ್ಕೆ ಕಾಲಿಟ್ಟಿರುವ www.bantwalnews.comಗೆ ಆರ್ಥಿಕ ಸಹಕಾರವೂ ಬೇಕು. ಪ್ರಾಯೋಜಕತ್ವ ಅಥವಾ ಜಾಹೀರಾತು ನೀಡುವುದಿದ್ದರೆ 9448548127 ಸಂಪರ್ಕಿಸಬಹುದು. ವಿ.ಸೂ: ಬಂಟ್ವಾಳನ್ಯೂಸ್ ನಲ್ಲಿ ಪ್ರಕಟವಾಗುವ ಲೇಖನ ಹಾಗೂ ಜಾಹೀರಾತುಗಳಿಗೆ ಸಂಬಂಧಪಟ್ಟವರೇ ಹೊಣೆಗಾರರಾಗುತ್ತಾರೆ. ಅದಕ್ಕೂ ಬಂಟ್ವಾಳನ್ಯೂಸ್ ಗೂ ಸಂಬಂಧವಿರುವುದಿಲ್ಲ. --- ಹರೀಶ ಮಾಂಬಾಡಿ, ಸಂಪಾದಕNOTE: : All opinions regarding the articles published in bantwalnews and the related topic are those of the author, and this has no relation to BantwalNews. Recommendations and suggestions provided here are left for the readers' consideration.