ಅವರು ಮೂವರು, ಬ್ಯಾಗಲ್ಲಿತ್ತು ಇಪ್ಪತ್ತು ಕೆ.ಜಿ. ಗಾಂಜಾ

ಧರ್ಮಸ್ಥಳ ಕೆ.ಎಸ್.ಆರ್.ಟಿ.ಸಿ. ಬಸ್ ನಿಲ್ದಾಣದಲ್ಲಿ ನಿಂತಿದ್ದ ಹತ್ತಾರು ಮಂದಿಯ ಪೈಕಿಯಲ್ಲಿ ಆ ಮೂವರು ಭಿನ್ನವಾಗಿ ಅತ್ತಿತ್ತ ನೋಡುತ್ತಿದ್ದರು. ನಡವಳಿಕೆ ಅನುಮಾನಾಸ್ಪದವಾಗಿತ್ತು. ತಮಿಳುನಾಡಿನ ನೀಲಗಿರಿ ಜಿಲ್ಲೆಯ ಗುಡಲೂರು ವಾಸಿಗಳಾದ ತಮಿಳ್ ಸೆಲ್ವಿ ಅಲಿಯಾಸ್ ಲಕ್ಷ್ಮಿ, ಶಾಂತಕುಮಾರ್ ಮತ್ತು ಚಂದ್ರಕುಮಾರ್ ಅಲಿಯಾಸ್ ಕುಮಾರ್ ಎಂಬ ಈ ಮೂವರ ಕೈಯಲ್ಲಿದ್ದ ಎರಡು ಬ್ಯಾಗುಗಳಲ್ಲಿದ್ದುದು ಗಾಂಜಾ ಎಂಬ ಅನುಮಾನ ಹಾಗೂ ಖಚಿತ ಮಾಹಿತಿಯನ್ವಯ ಪೊಲೀಸರು ಮಂಗಳವಾರ ಬಸ್ ನಿಲ್ದಾಣದಲ್ಲಿ ಅವರನ್ನು ಸಿಬ್ಬಂದಿಗಳ ಸಹಾಯದಿಂದ ವಶಕ್ಕೆ ತೆಗೆದುಕೊಂಡರು. ಈ ಸಂದರ್ಭ ಪತ್ತೆಯಾದದ್ದು ಇವು.

ಜಾಹೀರಾತು

2 kg ತೂಕದ 10 ಪೊಟ್ಟಣಗಳ ಗಾಂಜಾ, ಮೂರು ಮೊಬೈಲ್, 1100 ರೂ. ನಗದು. ಗಾಂಜಾದ ಮೌಲ್ಯ 4 ಲಕ್ಷ ರೂ.

ಖಚಿತ ವರ್ತಮಾನದಂತೆ ಹಾಗೂ ಮೇಲಧಿಕಾರಿಗಳ ನಿರ್ದೇಶನದಂತೆ ಬಂಟ್ವಾಳ ಡಿವೈಎಸ್ಪಿ ರವೀಶ್ ಸಿ.ಆರ್, ಡಿಸಿಐಬಿ ನಿರೀಕ್ಷಕ ಅಮಾನುಲ್ಲಾ ಮತ್ತು ಸಿಬ್ಬಂದಿ ದಾಳಿಯನ್ನು ನಡೆಸಿ, ತನಿಖೆ ನಡೆಸಿದಾಗ ಆರೋಪಿಗಳು ವಿಜಯವಾಡದಿಂದ ಗಾಂಜಾ ಖರೀದಿಸಿ ನಂತರ ತಮಿಳುನಾಡಿನ ಗುಡಲೂರುವಿನಿಂದ ಕಾರ್ಕಳಕ್ಕೆ ಸಾಗಾಟ ಮಾಡುತ್ತಿರುವುದಾಗಿ ತಿಳಿಸಿದ್ದಾರೆ.

ಪಿಎಸ್ಐ ರಾಮಾನಾಯ್ಕ, ಕೊರಗಪ್ಪ, ಸಿಬ್ಬಂಧಿಗಳಾದ ತಾರಾನಾಥ, ಲಕ್ಮಣ್, ಪಳನಿ ವೇಲು, ಉದಯ ರೈ, ಸಂಜೀವ ಪುರುಷ, ಇಕ್ಬಾಲ್, ವಾಸು, ವಿಜಯ ಗೌಡ, ಸೀತಾರಾಮ ಗೌಡ, ಸತ್ಯಪ್ರಕಾಶ, ವಿಶ್ವನಾಥ ನಾಯಕ್ ಮುಂತಾದವರು ಕಾರ್ಯಾಚರಣೆಯಲ್ಲಿ ಭಾಗವಹಿಸಿದ್ದರು. ಎಸ್ಪಿ ಭೂಷಣ್ ಬೊರಸೆ ತಂಡವನ್ನು ಶ್ಲಾಘಿಸಿದ್ದು ಬಹುಮಾನವನ್ನೂ ಘೋಷಿಸಿದ್ದಾರೆ.

ಜಾಹೀರಾತು

Harish Mambady

ಸುಮಾರು 27 ವರ್ಷಗಳ ಕಾಲ ಮುದ್ರಣ ಮಾಧ್ಯಮ ಹಾಗೂ ಡಿಜಿಟಲ್ ಮಾಧ್ಯಮದಲ್ಲಿ ಅನುಭವವಿರುವ ಪತ್ರಕರ್ತ ಹರೀಶ ಮಾಂಬಾಡಿ 2016ರಲ್ಲಿ ಆರಂಭಿಸಿದ ಬಂಟ್ವಾಳ ತಾಲೂಕಿನ ಕುರಿತು ದೈನಂದಿನ ಸುದ್ದಿ ನೀಡುವ ಮೊದಲ ವೆಬ್ ಪತ್ರಿಕೆ ಇದು. ಲಕ್ಷಾಂತರ ಮಂದಿ ಓದಿದ್ದಾರೆ, ಓದುತ್ತಿದ್ದಾರೆ. ಸುದ್ದಿಗಳು, ವಿಶ್ಲೇಷಣೆಗೆ ಆದ್ಯತೆ. ಪ್ರಸ್ತುತ 10ನೇ ವರ್ಷಕ್ಕೆ ಕಾಲಿಟ್ಟಿರುವ www.bantwalnews.comಗೆ ಆರ್ಥಿಕ ಸಹಕಾರವೂ ಬೇಕು. ಪ್ರಾಯೋಜಕತ್ವ ಅಥವಾ ಜಾಹೀರಾತು ನೀಡುವುದಿದ್ದರೆ 9448548127 ಸಂಪರ್ಕಿಸಬಹುದು. ವಿ.ಸೂ: ಬಂಟ್ವಾಳನ್ಯೂಸ್ ನಲ್ಲಿ ಪ್ರಕಟವಾಗುವ ಲೇಖನ ಹಾಗೂ ಜಾಹೀರಾತುಗಳಿಗೆ ಸಂಬಂಧಪಟ್ಟವರೇ ಹೊಣೆಗಾರರಾಗುತ್ತಾರೆ. ಅದಕ್ಕೂ ಬಂಟ್ವಾಳನ್ಯೂಸ್ ಗೂ ಸಂಬಂಧವಿರುವುದಿಲ್ಲ. --- ಹರೀಶ ಮಾಂಬಾಡಿ, ಸಂಪಾದಕNOTE: : All opinions regarding the articles published in bantwalnews and the related topic are those of the author, and this has no relation to BantwalNews. Recommendations and suggestions provided here are left for the readers' consideration.