ಬಂಟ್ವಾಳ: ಇಲ್ಲಿನ ಸ್ವಸ್ತಿಕ್ ಫ್ರೆಂಡ್ಸ್ ಕ್ಲಬ್ನ 33ನೇ ವರ್ಷದ ಪ್ರಯುಕ್ತ ದ.ಕ. ಜಿಲ್ಲಾ ಅಮೆಚೂರ್ ಕಬಡ್ಡಿ ಅಸೋಸಿಯೇಶನ್ ಸಹಭಾಗಿತ್ವದಲ್ಲಿ ಪುಂಜಾಲಕಟ್ಟೆ ಬಂಗ್ಲೆ ಮೈದಾನದಲ್ಲಿ ಜರಗಿದ ಪ್ರೊ ಕಬಡ್ಡಿ ಮಾದರಿಯ ಕೋಟಿ-ಚೆನ್ನಯ ಚಿನ್ನದ ಪದಕ ಪುರುಷರ ಕಬಡ್ಡಿ ಪಂದ್ಯಾಟದ 60 ಕೆ.ಜಿ. ವಿಭಾಗದಲ್ಲಿ ಸೆವೆನ್ ಸ್ಟಾರ್ ಕಲ್ಪನೆ ತಂಡ ಮತ್ತು ಮುಕ್ತ ವಿಭಾಗದಲ್ಲಿ ಜೆ.ಕೆ ಕಬಡ್ಡಿ ಅಕಾಡೆಮಿ ಕಾಸರಗೋಡು ತಂಡ ಪ್ರಥಮ ಸ್ಥಾನ ಗಳಿಸಿದೆ.
ಇತರ ಫಲಿತಾಂಶಗಳ ವಿವರ: 60 ಕೆ.ಜಿ. ವಿಭಾಗ – ದ್ವಿತೀಯ- ಎಸ್.ವಿ.ಆರ್. ಮಂಗಳೂರು, ತೃತೀಯ-ಸ್ವಾಮಿ ಕೊರಗಜ್ಜ , ಕೊಕ್ಕಡ, ಚತುರ್ಥ-ರಾಮಾಂಜನೇಯ ಎರ್ಮಾಳು ಬಡಾ ಉಡುಪಿ, ಮುಕ್ತ ವಿಭಾಗ-ದ್ವಿತೀಯ- ವರುಣ್ ಟ್ರಾವೆಲ್ಸ್,ಬೆಳ್ತಂಗಡಿ, ತೃತೀಯ-ಆಳ್ವಾಸ್ ಮೂಡಬಿದಿರೆ, ಚತುರ್ಥ-ಗೋಪಾಲಕೃಷ್ಣ,ತೆಕ್ಕಾರು.